Түбән Кама шәһ. кинотеатр урынында Яшь тамашачы театры барлыкка киләчәк

2021 елның 17 сентябре, җомга

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ тарафыннан «Түбән Кама шәһ., Н. В. Лемаев мәйданы, 2 адресы буенча Яшь тамашачы театры өчен кинотеатр бинасын үзгәртеп кору» объекты буенча уңай бәяләмә бирелде. Проект 440 тамашачы урынына исәпләнгән.

Үзгәртеп кору кысаларында түбәндәге чаралар каралган:

• өч катлы янкорма төзү;
• биналарны үзгәртеп планлаштыру;
• тәрәзә һәм витраж блокларын, керү төркемнәрен, терәк диварларны, баскыч күзәнәкләрен һәм лифт шахталарын алыштыру;
• фасадны, түбәне ремонтлау, биналар бизәлешен ремонтлау;
• җылы кичү урнаштыру;
• тамашачылар залларында утыргычларны алыштыру;
• халыкның аз хәрәкәтләнүче төркемнәре өчен уңайлы мохитне булдыру.

Төп бинада билет кассасы, 359 урынга исәпләнгән тамаша залы, 81 урынга исәпләнгән сәхнәле кече театр залы, кафе, декорацияләр өчен склад, инвентарь һәм реквизитлар склады һәм административ бүлмәләр урнашачак. Инвалидлар өчен бинаның барлык катларына пассажирлар лифты каралган.

Яңа бинада театр костюмнары складлары, остаханәләр, санузеллар һәм душ бүлмәләре булган гример бүлмәләре, кер юу бүлмәсе, артистлар өчен ял итү бүлмәләре, ашау бүлмәсе каралган.

Территориядә 77 машина урынына парковка, кече архитектура формаларын урнаштыру, территорияне агачлар һәм куаклар белән яшелләндерү каралган.

Хезмәт күрсәтүнең индивидуаль шартлары буенча +7 (843) 272-56-84 (өст. 230) телефоны аша, e-mail: Guzel.Nugumanova@tatar.ru – «ТР төзелеш һәм архитектура буенча дәүләт экспертизасы һәм бәя кую идарәсе» ДАУ эксперт эшчәнлеген оештыру буенча идарә башлыгы Гүзәл Рифат кызы Ногманова белән киңәшләшергә була.