ТР Актаныш районында балалар өчен югары технологияле техникум буенча «ТР төзелеш һәм архитектура буенча дәүләт экспертизасы һәм бәя кую идарәсе» ДАУ бәяләмәсе
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ Актаныш муниципаль районының Актаныш авылында «Кванториум» урнаштырып Актаныш технология техникумы» дәүләт автоном һөнәри белем бирү учреждениесе бинасын үзгәртеп кору объекты буенча уңай бәяләмә бирде.
Кванториум – ул яңа югары квалификацияле инженер кадрларны әзерләүгә, инновацион технологияләр һәм идеяләр эшләүгә, тестлауга һәм гамәлгә кертүгә юнәлдерелгән югары технологияле җиһазлар белән җиһазландырылган мәйданчыклар.
Үзгәртеп кору үз эченә җимерелгән тышлау һәм кирпечтән булган диварларны тергезү, керү төркемен урнаштыру, уку корпусы территориясен төзекләндерү кебек эшләрне ала. Уку биналарына – аэро-, хайтек-, робо-, энерджи-, автоквантум, һәм белем алу өчен кирәкле инвентарьлар булдыруга аерым игътибар бирелә.
Корпусның сыйдырышлыгы 60 кешедән торган төркемне укыту өчен исәпләнгән, ул кванториумнар буенча бүленә. Сыйныфларның тулылануы 10-15 кеше тәшкил итәчәк.
Территориядә картинг өчен мәйданчыкны, шулай ук 10 машина урынына исәпләнгән кунак автостоянкасын урнаштыру планлаштырыла. Юлларны киңәйтү, җәяүлеләр һәм юл йөрү өлешен бүлү, гражданнарга уңайлы булсын өчен махсус шумый торган юл өслеген салу, хәрәкәт итүнең төп юнәлешләре буенча визуаль һәм тактиль мәгълүмат куллану күздә тотыла.