ТР Әлмәт районының «Каенкай» сәламәтләндерү комплексы төзелеше проекты буенча бәяләмә

2021 елның 10 сентябре, җомга

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ «Татарстан Республикасы Әлмәт муниципаль районының «Каенкай» муниципаль бюджет учреждениесе» төзелеш объекты буенча уңай бәяләмә бирде

Үткәрелгән экспертиза нәтиҗәләре буенча, объектның проект документларын әзерләү өчен башкарылган инженерлык эзләнүләр нәтиҗәләре техник регламентларның таләпләренә туры килүе ачыкланды. Проект документлары техник регламентларның таләпләренә, санитар-эпидемиологик таләпләргә, әйләнә-тирә мохитне саклау өлкәсендәге таләпләргә, проектлау биременә, шулай ук инженерлык эзләнүләр нәтиҗәләренә туры килә. Капиталь төзелеш объектының смета бәясе дөрес итеп билгеләнгән.

Сәламәтләндерү комплексы проекты контроль-үткәрү пунктын, клубны, ашханәне, 4 йокы корпусын, душ комплексын, 2 складны, ябык мәйданчыкны, беседкаларны, 8 машина урынына исәпләнгән автостоянканы, территория яшелләндерүне күздә тота.

• Төзелешнең гомуми мәйданы – 5226,85 кв. м.
• Сыйдырышлыгы – 120 кеше.
• Функциональ билгеләнеше – балалар өчен шифаханә.

Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.

Экспертиза мәсьәләләре буенча кайнар линия: + 7 (843) 207-06-04 яки help.uslugi@tatar.ru электрон почтасы.