«ТР төзелеш һәм архитектура буенча дәүләт экспертизасы һәм бәя кую идарәсе» ДАУ Татарстан Республикасында күпфатирлы йортларны капиталь ремонтлау буенча бәяләмәләр бирде

2021 елның 7 сентябре, сишәмбе

2021 елның августында «ТР төзелеш һәм архитектура буенча дәүләт экспертизасы һәм бәя кую идарәсе» ДАУ Татарстан Республикасында күпфатирлы йортларны капиталь ремонтлау буенча эшләрнең бәясенә экспертиза, шулай ук капиталь ремонт өчен кулланыла торган материалларның бәясенә тикшерү үткәрде.

Эшләр Татарстан Республикасы территориясендә урнашкан күпфатирлы йортларда гомуми милекне капиталь ремонтлау буенча Төбәк программа кысаларында башкарыла (2020 елның 5 октябрендә чыккан үзгәрешләр белән 2013 елның 31 декабрендә чыккан 1146 номерлы Татарстан Республикасы Министрлар кабинетының карары).

Төбәк программа буенча эшләр исемлеге үз эченә түбәндәге әйберләрне ала:

• йорт эчендәге системаларны, лифтларны, түбәләрне ремонтлау яки алыштыру;
• подвал биналарын, фундаментны, подъездларны ремонтлау;
• фасадны җылыту һәм ремонтлау;
• коммуналь ресурсларны исәпкә алу приборларын, видеокүзәтүне, телевидениены урнаштыру һәм алыштыру;
• йорт яны территориясен төзекләндерү һ. б.

Объектлар исемлеге (август 2021)

Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.

Экспертиза мәсьәләләре буенча кайнар линия: + 7 (843) 207-06-04 яки help.uslugi@tatar.ru электрон почтасы.