Төзелеш өчен контракт бәясен үзгәрткәндә кабат дәүләт экспертизасын үткәрү тәртибе билгеләнде

2021 елның 16 августы, дүшәмбе

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ директоры Мәҗит Хаҗип улы Салихов смета бәясен дөрес итеп билгеләүне тикшерү өлешендә проект документларына дәүләт экспертизасын оештыру һәм үткәрү тәртибендәге агымдагы үзгәрешләр турында сөйли. Әлеге үзгәрешләр 2007 елның 5 мартында чыккан 145 номерлы Карарга кертелә һәм гамәлгә 2021 елның 21 августыннан керә.

«Проект документларына һәм инженерлык эзләнүләр нәтиҗәләренә дәүләт экспертизасын оештыру һәм үткәрү тәртибе турында» 2007 елның 5 мартында чыккан 145 номерлы Россия Федерациясе Хөкүмәтенең карары яңа 4514 дигән пункт белән тулыландырылды.

Аның нигезендә РФ Хөкүмәте, РФ субъекты, җирле администрация тарафыннан мәдәни мирас объектларының төзелешенә, капиталь ремонтына, үзгәртеп корылуына, саклап калуына дәүләт контракты буенча карар кабул ителгән очракта, смета бәясен дөрес итеп билгеләүне тикшерү өлешендә күрсәтелгән объектларның проект документларына кабат дәүләт экспертизасы үткәрелә.

Экспертиза үткәрү вакыты 14 эш көненнән дә артмаска тиеш

2021 елның 9 августында «Россия Федерациясе Хөкүмәтенең кайбер актларына үзгәрешләр кертү турында» 2021 елның 9 августында чыккан 1315 номерлы Россия Федерациясе Хөкүмәтенең Карары расланды

20 августта 10:00 сәгатьтә «ТР төзелеш һәм архитектура буенча дәүләт экспертизасы һәм бәя кую идарәсе» ДАУ законнарны үзгәртү сораулары буенча мөрәҗәгать итүчеләр өчен семинар-киңәшмә үткәрәчәк

Семинар программасында:

• контракт бәясен үзгәрткәндә смета бәясен дөрес итеп билгеләүне тикшерү өлешендә төзелеш объектларының проект документларына кабат дәүләт экспертизасын үткәрү тәртибе;
• кабат экспертиза үткәрү вакыты;
• кабат экспертиза үткәрү бәясе;
• шәһәр төзелеше законнарын үзгәртү.

Семинар онлайн рәвештә үткәрелә. Алдан теркәлү кирәк. Заявкада күрсәтелгән электрон почтага, теркәлгәннән соң, киңәшмәгә сылтама җибәреләчәк.

Заявка бирү бланкы