Экологик экспертиза өчен объектлар исемлегенә үзгәрешләр кертелде

2021 елның 27 июле, сишәмбе

Төзелеш һәм үзгәртеп кору өчен экологик экспертиза бәяләмәсе таләп ителми торган объектлар исемлеге билгеләнде («Экологик экспертиза турында» Федераль законның 11 статьясына үзгәрешләр кертү хакында» 2021 елның 2 июлендә чыккан 341-ФЗ номерлы Федераль закон).

Үзгәрешләр РФ Арктик зонасы объектларына кагыла, аларга түбәндәге әйберләр керә:

• Исемлеге РФ Хөкүмәте тарафыннан билгеләнә торган социаль һәм транспорт инфраструктурасы объектлары, аларны төзү һәм үзгәртеп кору РФ Арктик зонасының торак пунктлары чикләрендә, I һәм II категорияле объектларга керми торган аеруча саклана торган табигать территорияләреннән читтә гамәлгә ашырылачак.
• Әйләнә-тирә мохитне саклау өлкәсендә I категорияле объектларга керә торган капиталь төзелеш объектлары (бораулау скважиналарыннан һәм I категорияле объект урнашкан бер яки берничә җир участогы чикләрендә төзелергә, үзгәртеп корылырга планлаштырыла торган объектлардан тыш).
• Төзелеше һәм үзгәртеп корылышы торак пунктлардан һәм аеруча саклана торган территорияләрдән читтә башкарылачак муниципальара әһәмияттәге автомобиль юллары.

«Экологик экспертиза турында» 1995 елның 23 ноябрендә чыккан 174-ФЗ номерлы Федераль законның 11 статьясындагы 7.9 пунктчасына карата үзгәрешләр гамәлгә 2021 елның 17 августыннан керә