«ТР төзелеш һәм архитектура буенча дәүләт экспертизасы һәм бәя кую идарәсе» ДАУ юл инфраструктурасы объектлары буенча проект документларына экспертиза үткәрде

2021 елның 7 июле, чәршәмбе

2021 елның июнь аенда «ТР төзелеш һәм архитектура буенча дәүләт экспертизасы һәм бәя кую идарәсе» ДАУ Татарстан Республикасында 103 юл инфраструктурасы объектының проект документларын һәм инженерлык эзләнүләр нәтиҗәләрен карап үтте. Тикшерү нәтиҗәләре буенча уңай бәяләмәләр бирелде.

Каралып үткән проектлар арасында:

• автомобиль юллары төзелеше;
• автомобиль юлларын капиталь ремонтлау һәм үзгәртеп кору;
• светофорларны, ясалма яктыртуны урнаштыру;
• юл-урам челтәрен төзекләндерү;
• керү юлларын ремонтлау һәм төзү;
• күперләрне үзгәртеп кору;
• автомобиль юлларында автоматик үлчәү һәм габарит контроле системалары челтәрен урнаштыру;
• тукталыш мәйданчыкларын ремонтлау;
• тротуарларны ремонтлау, оештыру һәм төзү;
• юл чатларын төзекләндерү;
• җирле әһәмияттәге гомуми файдаланудагы юлларда юл эшләре муниципаль программаларын тормышка ашыруга юнәлтелгән эшләр.

Объектлар исемлеге (июнь 2021)

Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.

Экспертиза мәсьәләләре буенча кайнар линия: + 7 (843) 207-06-04 яки help.uslugi@tatar.ru электрон почтасы.