ММТ-яңалыклар: Россия төзелеш министрлыгы төзелеш тармагын һәм ТКХ цифрлаштыру стратегиясе бурычларын билгеләп үтте

2021 елның 29 июне, сишәмбе

Түбән Новгородта үткән «Сәнәгый Россиянең цифрлы индустриясе» VI конференциясендә РФ төзелеш һәм ТКХ министры урынбасары Александр Сергей улы Козлов төзелеш тармагын һәм ТКХ цифрлаштыру стратегиясе турында сөйләде.

Стратегия бурычлары:

• тормыш өчен куркынычсыз һәм уңайлы шартлар тудыру;
• шәһәр хуҗалыгы белән идарә итүнең нәтиҗәле системасын формалаштыру;
• цифрлы технологияләр ярдәмендә Россия шәһәрләренең конкурентлылык сәләтен арттыру;
• төзелеш вакытларын һәм бәясен оптимальләштерү;
• иминлекнең база таләпләрен киметмичә, мәҗбүри таләпләрне киметү, параметрик, риск-ориентлашкан яктан техник нормалаштыру.

Төзелеш өлкәсендәге төп юнәлешләр:

• мәҗбүри процедураларны электрон рәвешкә күчерү – «Бер кликка төзибез» тармагын үзгәртеп коруның тармак стратегия инициативасын тормышка ашыру;
• мәгълүмати модельләштерү технологияләрен куллану һәм капиталь төзелеш объектларының цифрлы «икеле» ләрен булдыру – «Акыллы объектлар төзибез» инициативасын тормышка ашыру;
• тармакның хезмәт ресурслары белән идарә итү системасын формалаштыру һәм үстерү;
• шәһәр төзелеше эшчәнлеген тәэмин итү буенча Дәүләт мәгълүмат системаларын булдыру;
• төзелеш күзәтчелеген автоматлаштыру;
• экспертиза органнарын автоматлаштыру;
• дәүләт һәм муниципаль заказчыларны цифрлаштыру буенча эш.

ТКХ өлкәсендәге төп юнәлешләр:

• торак-коммуналь хезмәтләр күрсәтүнең һәркем өчен мөмкин булуы һәм аның сыйфатын арттыру;
• «Бергәләп чишәбез» платформасы базасында территорияләрне төзекләндерү һәм үстерү мәсьәләләре буенча җәмәгать контролен һәм җәлеп итү дәрәҗәсен күтәрү;
• инженерлык, шәһәр һәм транспорт инфраструктурасы белән идарә итүнең нәтиҗәлелеген арттыру.