Зур Казан боҗрасы юлы участогын төзү буенча «ТР төзелеш һәм архитектура буенча дәүләт экспертизасы һәм бәя кую идарәсе» ДАУ бәяләмәсе

2021 елның 16 июне, чәршәмбе

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ экспертлары тарафыннан Зур Казан боҗрасын үстерү кысаларында, Магистраль урамыннан Девятаев урамына кадәрге участокта Мехчылар урамы буенча юл участогының проект документлары һәм инженерлык эзләнүләр нәтиҗәләре каралып үтте.

Инженерлык эзләнүләр техник регламентларның таләпләренә туры килә дип билгеләнде. Проект документлары техник регламентларның таләпләренә, әйләнә-тирә мохитне саклау өлкәсендәге таләпләргә, санитар-эпидемиологик таләпләргә, проектлауга карата техник заказчы биременә, инженерлык эзләнүләр нәтиҗәләренә туры килә. Төзелешнең смета бәясе дөрес итеп билгеләнгән. Нәтиҗәләр буенча уңай бәяләмә бирелде.

Проект белән ике трасса төзү каралган:

- Мехчылар урамы буенча 1700 метрга якын, 4 хәрәкәт полосасы;

- Магистраль урамы буенча 180 метрга якын, 4 хәрәкәт полосасы.

Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.

Экспертиза мәсьәләләре буенча кайнар линия: + 7 (843) 207-06-04 яки help.uslugi@tatar.ru электрон почтасы.