«ТР төзелеш һәм архитектура буенча дәүләт экспертизасы һәм бәя кую идарәсе» ДАУ уңайлы мохитне проектлаганда һәм төзегәндә типик хаталар буенча семинар үткәрәчәк

2021 елның 25 июне, җомга

2021 елның 30 июнендә «ТР төзелеш һәм архитектура буенча дәүләт экспертизасы һәм бәя кую идарәсе» ДАУ «Халыкның аз хәрәкәтләнүче төркемнәре өчен биналарны һәм корылмаларны проектлау, төзү, үзгәртеп кору һәм капиталь ремонтлаганда типик хаталарны карап үтү» дигән семинар үткәрәчәк.

Семинар программасында түбәндәге таләпләр җентекләп каралып үтәчәк:

• 2020 елның 4 июлендә чыккан 985 номерлы РФ Хөкүмәтенең карары;
• «Халыкның аз хәрәкәтләнүче төркемнәре өчен биналар һәм корылмаларның үтемлелеге» КҖ 59.13330;
• «Күрү буенча инвалидлар өчен тактиль җир өсте күрсәткечләре. Техник таләпләр» ГОСТ 57875-2018;
• «Инвалидлар өчен әһәмиятле мәгълүмат күрсәтү чаралары» ГОСТ 52131-2019.

Белем алу бәясе: 1 тыңлаучы өчен 3 900 сум.

Махсус тәкъдим: белем алу + «Инвалидлар һәм халыкның башка аз хәрәкәтләнүче төркемнәре өчен каршылыксыз мохит формалаштыру буенча Методик тәкъдимнәр (КҖ 59.13330.2016 базасында Кагыйдәләр җыелмасы. Халыкның аз хәрәкәтләнүче төркемнәре өчен биналар һәм корылмаларның үтемлелеге)» басма кулланма – 4 850 сумнан.

Укулар тәмамлангач, семинарда катнашучы сертификаты бирелә.

Семинарны үткәрү урыны: «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге, Казан шәһ., Шуртыгин ур., 22.

Өстәмә мәгълүмат: +7 (843) 253-75-49, info@proff-standart.ru.

Заявка бирү бланкы