Балалар өчен ял лагерьларында куркынычсызлык нормалары көчәйтеләчәк
«Балаларның ялын һәм аларны савыктыруны оештыру өчен билгеләнгән объектларның (территорияләрнең) террорчылыкка каршы яклануына карата таләпләрне, һәм балаларның ялын һәм аларны савыктыруны оештыру өчен билгеләнгән стационар тибындагы объектларның (территорияләрнең) куркынычсызлык паспорты формасын раслау турында» 2021 елның 14 маенда чыккан 732 номерлы РФ Хөкүмәте карары белән балалар лагерьларының террорчылыкка каршы яклануына карата таләпләр билгеләнде. Карар гамәлгә 2021 елның 26 маенда керде.
Лагерьларны ял итүчеләр санына һәм региондагы куркынычсызлык дәрәҗәсенә карап, категорияләргә бүләчәкләр. Объектларны инженерлык ягыннан яклау «Биналарның һәм корылмаларның иминлеге турында Техник регламент» Федераль закон нигезендә гамәлгә ашырыла. Объектны сайлау һәм аны саклау чаралары белән җиһазлау инженер-техник саклау чараларын проектлауга карата техник биремдә билгеләнә.