2021 елга күпфатирлы йортларны капиталь ремонтлау буенча хезмәтләр (эшләр) бәясе расланды

2021 елның 31 мае, дүшәмбе

2021 елның 16 апрелендә чыккан 68/о номерлы Татарстан Республикасы төзелеш, архитектура һәм торак-коммуналь хуҗалык министрлыгының боерыгы белән түбәндәге әйберләр расланган:

• 2021 елга эш төрләре буенча күпфатирлы йортларны капиталь ремонтлау буенча хезмәтләрнең (эшләрнең) чик бәясе күләме;
• 2021 елга йорт төрләре буенча Татарстан Республикасы территориясендә урнашкан күпфатирлы йортларда гомуми милекне капиталь ремонтлау буенча хезмәтләрнең (эшләрнең) чик бәясе күләме.

«2020 елга эш төрләре буенча Кыска сроклы планга кертелгән күпфатирлы йортларны капиталь ремонтлау буенча хезмәтләрнең (эшләрнең) чик бәясе күләмен раслау турында» 2020 елның 13 мартында чыккан 45/о номерлы Татарстан Республикасы төзелеш, архитектура һәм торак-коммуналь хуҗалык министрлыгының боерыгы үз көчен югалткан.