Иннополис Университеты студентлары өчен тулай тораклар буенча «ТР төзелеш һәм архитектура буенча дәүләт экспертизасы һәм бәя кую идарәсе» ДАУ бәяләмәсе

2021 елның 21 мае, җомга

Проектның үзенчәлеге – цифрлы мәгълүмати модель. Бу смета бәясен һәм проект документларының сыйфатын билгеләүнең төгәллеген арттыру максатыннан цифрлы модельдәге коллизияләрне һәм җитешсезлекләрне ачыкларга һәм юкка чыгарырга мөмкинлек бирде.

Капиталь төзелеш объекты буенча тәкъдим ителгән проект документлары техник регламентларның таләпләренә, шул исәптән санитар-эпидемиологик, экологик таләпләргә, проектлау биременә, шулай ук инженерлык эзләнүләр нәтиҗәләренә туры килә. Капиталь төзелеш объекты буенча инженерлык эзләнүләр нәтиҗәләре техник регламентларның таләпләренә туры килә. Капиталь төзелеш объектының төзелеше буенча смета бәясе дөрес итеп билгеләнгән.

Проект нигезендә Татарстан Республикасы Югары Ослан муниципаль районының Иннополис шәһәре территориясендә университетта белем алучы студентлар өчен өч тулай торак төзү каралган. Бер бина – 5 катлы һәм икесе – 13 катлы.

Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ белгечләре тарафыннан экспертизаны электрон рәвештә үткәргәндә теләсә нинди этапта ярдәм күрсәтелә. Моның өчен мөрәҗәгать итүчеләргә + 7 (843) 207-06-04 кайнар линия телефоны яки help.uslugi@tatar.ru электрон почтасы буенча мөрәҗәгать итәргә кирәк.