BIM яңалыклары: Ирек Әнвәр улы Фәйзуллин төзелештә BIMны гамәлгә кертү Методикасын эшләргә кушты

2021 елның 19 мае, чәршәмбе

РФ төзелеш һәм ТКХ министры Ирек Әнвәр улы Фәйзуллин төзелештә BIM-технологияләрне һәм подряд оешмаларында мәгълүмати модельләштерү механизмын (алга таба – Методика) гамәлгә кертү Методикасын эшләргә кушты. Әлеге эш 2022 елның 1 гыйнварыннан башлап дәүләт заказы объектларын проектлаганда мәгълүмати модельне мәҗбүри куллану турында 2021 елның 5 мартында чыккан 331 номерлы Россия Хөкүмәтенең карарын тормышка ашыру кысаларында башкарылачак.

Методиканы эшләү белән төзүчеләрнең Милли берләшмәсе (НОСТРОЙ) шөгыльләнәчәк.

Методиканың төп бүлекләре:

• подрядчы оешмалар тарафыннан мәгълүмати модельны тапшыру тәртибе;
• подрядчы оешманы программа белән тәэмин итүгә карата таләпләр;
• мәгълүмати модельләштерү технологияләрен кулланып рөхсәт итү процедураларын гамәлгә ашыру;
• мәгълүмат модельгә интеграция белән төзелеш процессларын оештыру һәм тормышка ашыру;
• объектны мәгълүмати модельләштерү технологияләрен кулланып файдалануга тапшыруга әзерләү;
• подряд оешмаларын квалификацияле кадрлар белән тәэмин итү;
• төзелешнең смета бәясенә карата мәгълүмати модельләштерү технологияләрен гамәлгә кертү йогынтысы.