Казан шәһ. «Урам» яшьләр үзәгенең ябык экстрим паркын төзү буенча «ТР төзелеш һәм архитектура буенча дәүләт экспертизасы һәм бәя кую идарәсе» ДАУ бәяләмәсе
Төзелеш проектын карап үтү нәтиҗәләре буенча «ТР төзелеш һәм архитектура буенча дәүләт экспертизасы һәм бәя кую идарәсе» ДАУ экспертлары «Казан шәһ. «Урам» яшьләр үзәгенең ябык экстрим паркы» капиталь төзелеш объектының тәкъдим ителгән проект документлары техник регламентларның таләпләренә, санитар-эпидемиологик таләпләргә, әйләнә-тирә мохитне саклау өлкәсендәге таләпләргә, проектлауга карата төзүче биременә, инженерлык эзләнүләр нәтиҗәләренә туры килүе турында нәтиҗә ясадылар. Капиталь төзелеш объектының проект документларын әзерләү өчен башкарылган инженерлык эзләнүләр нәтиҗәләре техник регламентларның таләпләренә туры килә. Капиталь төзелеш объектының смета бәясе дөрес итеп билгеләнгән. Экспертиза нәтиҗәләре буенча уңай бәяләмә бирелде.
«Урам» яшьләр үзәгенең яңа ябык экстрим паркы Татарстан Республикасы, Казан шәһ., Казансу елгасының сул як ярында, «Миллениум» күпере янында төзеләчәк. Бинаның гомуми мәйданы якынча 8 мең кв. м.