2021 елның 1-11 июнь көннәрендә «ТР төзелеш һәм архитектура буенча дәүләт экспертизасы һәм бәя кую идарәсе» ДАУ заказчылар өчен BIM буенча курслар үткәрәчәк

2021 елның 12 мае, чәршәмбе

«ТР төзелеш һәм архитектура буенча дәүләт экспертизасы һәм бәя кую идарәсе» ДАУ Татарстан Республикасында мәгълүмати модельләштерү технологияләрен гамәлгә кертү буенча Ярдәм итү үзәге булып тора һәм партнерлар белән бергә 2021 елның 1-11 июнендә «Төзелеш тармагын цифрлаштыру – төзелештә мәгълүмати модельләштерү технологияләре. Мәгълүмати модельләштерү процессын оештыруда заказчының роле» темасына квалификация күтәрү курсларын оештыра.

Төп аудитория: дәүләт һәм муниципаль заказчылар, төзүчеләр, техник заказчылар.

Белем алу программасы 6 модульдән тора. Укулар тәмамланганнан соң белемнәрне тикшерү һәм квалификация күтәрү турында таныклык бирү каралган.

Сез бөтен программа яки сайлап алынган модуль буенча белем үзләштерә аласыз:

• 2011 елның 1-2 июне

Модуль 1. BIM-технологияләрне исәпкә алып, заказчы эшчәнлеген законнар белән норматив-хокукый җайга салу.

• 2021 елның 3 июне

Модуль 2. BIM ярдәмендә булдырылган проектларга экспертиза үткәрү.

• 2021 елның 4 июне

Модуль 3. BIM ярдәмендә булдырылган проектларның смета документларына экспертиза үткәрү.

• 2021 елның 7-8 июне

Модуль 4. Проектлау этабындагы BIM.

• 2021 елның 9-10 июне

Модуль 5. Биналарны һәм корылмаларны мәгълүмати модельләштерү өчен программалар белән тәэмин итү.

• 2011 елның 11 июне

Модуль 6. BIM-проектлар белән нәтиҗәле рәвештә идарә итү.

Белем алу программасының төп үзенчәлеге – аның гамәли юнәлеше.

Белем алу буенча программаның бурычлары:

• BIM турындагы төшенчәне формалаштыру;
• һәрбер кызыксынган аудитория өчен BIM-технологияләрне куллану буенча эш коралларын бирү;
• төзелеш процессында барлык катнашучыларның төгәл эш алгоритмын формалаштыру;
• кызыксынган аудиториядә төрле программалар белән тәэмин итүдә белем һәм күнекмәләр формалаштыру максаты белән хәзерге вакытта булган чит ил һәм Россия программалары белән тәэмин итү буенча киң күзаллау булдыру.

Белем алу формасы:

• көндез уку – «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәгендә, Казан шәһ., Шуртыгин ур., 22;
• онлайн трансляция.

Белем алу бәясе:

• тулы белем алу курсы өчен – 12 800 сум.
• сайлап алу буенча теләсә кайсы модуль өчен – 2 600 сум.

Белем алырга язылырга: + 7 (843) 253-75-49, info@proff-standart.ru, proff-standart.ru, Казан шәһ., Шуртыгин ур., 22.

Заявка бирү бланкы