Накладлы чыгымнар нормативларын эшләү һәм куллану буенча Методика расланды

2021 елның 31 марты, чәршәмбе

РФ төзелеш министрлыгы капиталь төзелеш объектларының төзелеше, үзгәртеп корылуы, капиталь ремонты, сүтелүе буенча смета бәясен билгеләгәндә накладлы чыгымнар нормативларын эшләү һәм куллану Методикасын раслады (2020 елның 21 декабрендә чыккан 812/пр номерлы Россия төзелеш министрлыгының боерыгы).

Накладлы чыгымнар нормативларын эшләү һәм куллану Методикасын раслау белән бәйле булган мөһим үзгәрешләр:

• Күпчелек төзелеш эшләре өчен накладлы чыгымнар нормативы 4-6% ка кимегән.
• Кирпечтән һәм блоклардан төзелгән конструкцияләргә, агач конструкцияләргә, идәннәргә, түбәләргә, суүткәргечнең тышкы челтәрләренә, канализациягә, җылылык белән тәэмин итүгә, газүткәргечләргә, автомобиль юлларга накладной чыгымнар нормативлары 10% ка кимегән.
• Ремонт-төзелеш эшләренә нормативлар 10-12% ка арткан.
• Җибәрү-көйләү эшләренә норматив 14% ка арткан.
• Җиһазларны монтажлауга карата накладной чыгымнар нормативлары хәзер сәнәгатьнең һәр тармагы һәм төрле төр җиһазлары өчен аерым тәкъдим ителгән.

Яңа методикада түбәндәге әйберләр юк:

• төп төзелеш төрләре буенча накладной чыгымнарның эреләндерелгән нормативлары;
• салым салуның гадиләштерелгән системасын кулланучы оешмалар өчен киметүче коэффициент белән смета табышы нормативларын куллану турындагы күрсәтмәләр.