РФ Хөкүмәте төзелешкә рөхсәт алу таләп ителми торган очраклар исемлеген яңадан карап үтте

2021 елның 26 феврале, җомга

РФ Хөкүмәте тарафыннан түбәндәге әйберләр расланды:

• линияле объектны төзү, үзгәртеп кору өчен территорияне планлаштыру буенча документлар әзерләү таләп ителми торган очраклар исемлеге;
• капиталь төзелеш объектын төзү, үзгәртеп кору өчен төзелешкә рөхсәт алу таләп ителми торган очраклар исемлеге;
• дәүләт яки муниципаль милектәге җирләрдә яки җир кишәрлекләрендә, җир кишәрлекләре бирмичә һәм сервитутлар билгеләмичә урнаштыру мөмкин булган объектлар исемлегенә кертелә торган үзгәрешләр.

Түбәндәге документларны гамәлдән чыккан дип танырга:

• 2017 елның 7 мартында чыккан 269 номерлы Россия Федерациясе Хөкүмәтенең карары;
• 2019 елның 17 августында чыккан 1064 номерлы Россия Федерациясе Хөкүмәтенең карары.

«Линияле объектны төзү, үзгәртеп кору өчен территорияне планлаштыру буенча документлар әзерләү таләп ителми торган очраклар исемлеген, капиталь төзелеш объектын төзү, үзгәртеп кору өчен төзелешкә рөхсәт алу таләп ителми торган очраклар исемлеген, җир кишәрлекләре бирмичә һәм сервитутлар билгеләмичә дәүләт яки муниципаль милектә булган җирләрдә яисә җир кишәрлекләрендә урнаштыру мөмкин булган объектларның төрләре исемлегенә үзгәрешләр кертү турында һәм Россия Федерациясе Хөкүмәтенең кайбер актлары гамәлдән чыккан дип тану турында» 2020 елның 12 ноябрендә чыккан 1816 номерлы РФ Хөкүмәтенең карары