«ТР төзелеш һәм архитектура буенча дәүләт экспертизасы һәм бәя кую идарәсе» ДАУ сорауларга җавап бирә: дәүләтнеке булмаган экспертиза буенча эксперт үзәген ничек сайларга
Экспертиза бәяләмәсе нинди очракларда таләп ителә?
Дәүләтнеке булмаган экспертиза төзелешләре Россия Федерациясе Шәһәр төзелеше кодексының 8.3 маддәсендәге 2 өлешендә күрсәтелгән чараларны җәлеп итмичә башкарыла торган төзелешкә рөхсәт алулар өчен туры килә, шул исәптән күп катлы йортлар, мәгариф, энергетика, авыл хуҗалыгы объектлары, күп функцияле комплекслар, автостоянкалар, кунакханәләр, сәүдә һәм офис үзәкләре, азык-төлек җитештерү объектлары, заправка станцияләре, сәнәгать объектлары, спорт-күңел ачу, сәламәтләндерү комплекслары өчен.
Экспертиза артыннан эксперт үзәгенә кем мөрәҗәгать итә ала?
Мондый экспертиза беренче чиратта төзүченең үзенә (техник заказ бирүчегә) кирәк. Проект документларына дөрес итеп үткәрелгән дәүләтнеке булмаган экспертиза техник һәм финанс рискларыннан ышанычлы иминият булып тора. Аның кысаларында проектны эшләү стадиясендә кабул ителгән карарларның ни дәрәҗәдә тулы һәм дөрес нигезләнгән булулары билгеләнә.
Экспертиза бәясе ничек билгеләнә?
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ заказ бирүчеләр өчен отышлы карар тәкъдим итә. Хезмәт күрсәтелүнең индивидуаль шартлары буенча консультацияне «ТР төзелеш һәм архитектура буенча дәүләт экспертизасы һәм бәя кую идарәсе» ДАУ техник хезмәт башлыгының урынбасары Гүзәл Рифат кызы Ногманова, +7 (843) 272-56-84 (өст. 230) телефоны, e-mail: Guzel.Nugumanova@tatar.ru почтасы буенча алырга була.