2030 елга кадәр РФ шәһәр мохите сыйфатына карата нормалар билгеләнде

2020 елның 5 августы, чәршәмбе

Россия Федерациясе Президенты Владимир Владимир улы Путин «2030 елга кадәрге чорга Россия Федерациясе үсешенең милли максатлары турында» Указына кул куйды.

«Яшәү өчен уңайлы һәм куркынычсыз мохит» милли максат кысаларында түбәндәге максатчан күрсәткечләр билгеләнә:

• ел саен 5 млн ким булмаган санны тәшкил итүче гаиләнең торак шартларын яхшырту һәм торак төзелеше күләмен елына 120 млн кв. метрга хәтле ким булмаган күләмдә арттыру;
• шәһәр мохитенең сыйфатын 1,5 тапкырга яхшырту;
• эре шәһәр агломерацияләрендә норматив таләпләргә туры килә торган юл челтәре өлешен 85% ким булмаган дәрәҗәдә тәэмин итү;
• каты коммуналь калдыклар белән эш итүнең 100% күләмендә калдыкларны сортировкалауны тәэмин итә торган тотрыклы системаны булдыру һәм полигоннарга җибәрелә торган калдыкларның күләмен ике тапкырга киметү;
• әйләнә-тирә мохиткә һәм кеше саулыгына аеруча иң тискәре йогынты ясый торган куркыныч пычраткыч матдәләр чыгарылуны ике тапкырга киметү;
• әйләнә-тирә мохиткә салынган зыянның аеруча иң куркыныч объектларын бетерү һәм Идел елгасын, Байкал һәм Телецкое күлләрен дә кертеп, су объектларын экологик савыктыру.