Татарстан Республикасында яңа күперләр һәм юллар төзүгә карата «ТР төзелеш һәм архитектура буенча дәүләт экспертизасы һәм бәя кую идарәсе» ДАУ бәяләмәләре
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ экспертлары Татарстан Республикасында яңа күперләр һәм юллар төзүгә карата уңай бәяләмәләр бирделәр. Проектлар техник регламентларның таләпләренә, санитар-эпидемиологик таләпләргә, әйләнә-тирә мохитне саклау өлкәсендәге таләпләргә, проектлаштыру биременә, инженерлык эзләнүләр нәтиҗәләренә туры килә. Төзелешнең смета бәясе дөрес итеп билгеләнгән.
Татарстан Республикасының Минзәлә районы Иске Мунча авылы янында Минзәлә елгасы аша яңа автомобиль юл күпере төзеләчәк. Күпер хәзерге күпер белән параллель рәвештә урнашачак. Яңа күпернең озынлыгы якынча 50 м тәшкил итәчәк.
Аксубай штб инеш аша яңа автомобиль күпере төзеләчәк. Күпернең озынлыгы 13 м тәшкил итәчәк.
Татарстан Республикасы Актаныш муниципаль районында Иске Сәет - Сикия - Улиман участогында ике полосалы автомобиль юл төзелеше планлаштырыла. Юл озынлыгы – 5,25 км.
Яр Чаллы шәһәренең Залесный проспектында ремонт эшләре башкарылачак. Юл югары категориягә керәчәк һәм автомобильләрнең барлыкка килгән һәм перспективалы хәрәкәтнең барлык таләпләренә туры киләчәк.
Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ белгечләре тарафыннан экспертизаны электрон рәвештә үткәргәндә теләсә нинди этапта ярдәм күрсәтелә. Моның өчен мөрәҗәгать итүчеләргә + 7 (843) 207-06-04 кайнар линия телефоны яки help.uslugi@tatar.ru электрон почтасы буенча мөрәҗәгать итәргә кирәк.
Электрон хезмәтләр буенча видеоаңлатма