Магистраль инфраструктураны яңа кагыйдәләр буенча яңартачаклар

2020 елның 23 июле, пәнҗешәмбе

РФ Хөкүмәте тарафыннан магистраль инфраструктураны модернизацияләү һәм киңәйтү өчен шәһәр төзелеше һәм җир мөнәсәбәтләрен җайга салуның аерым тәртибе карала. Яңа тәртип РФ территориясендә 2024 ел ахырына кадәр гамәлдә булачак.

Магистраль инфраструктураны модернизацияләү һәм киңәйтү өчен билгеләнгән объектларга түбәндәгеләр керә:

• РФ пространство үсеше стратегиясе нигезендә төзелә һәм үзгәртеп корыла торган федераль, региональ яки җирле әһәмияттәге транспорт инфраструктурасы объектлары;
• күрсәтелгән инфраструктура объектларын төзүне, үзгәртеп коруны, эксплуатацияләүне тәэмин итү өчен кирәкле федераль, региональ яки җирле әһәмияттәге башка капиталь төзелеш объектлары (гомуми файдаланудагы автомобиль юллар яки аларның участоклары, күперләр, диңгез һәм елга портлары объектлары, аэродромнар, транспорт-күчеп утыру төеннәре, инженерлык инфраструктурасы объектлары, элемтә линияләре).

Мондый объектларга кермиләр:

• торак билгеләнешендәге капиталь төзелеш объектлары;
• магистраль инфраструктураны модернизацияләү һәм киңәйтү өчен билгеләнгән объектларны төзү, үзгәртеп кору, эксплуатацияләү белән бәйле булмаган эшчәнлекне тормышка ашыру өчен билгеләнгән башка биналар.

Закон проектында билгеләнгән үзенчәлекләр кулланыла торган инфраструктура объектлары исемлеге РФ Хөкүмәте тарафыннан раслана.