Мәҗит Хаҗип улы Салихов Халыкара Менеджмент Академиясе әгъзалары составына керде
Мәҗит Хаҗип улы Салихов – «ТР төзелеш һәм архитектура буенча дәүләт экспертизасы һәм бәя кую идарәсе» ДАУ җитәкчесе, Татарстан Республикасының атказанган төзүчесе, икътисад фәннәре кандидаты Халыкара Менеджмент Академиясе (ХМА) әгъзалары составына кертелде (Мәскәү шәһ.).
Академия менеджмент өлкәсендә тикшеренүләр үткәрүгә ярдәм итү, идарәчеләрнең компетенцияләрен бәяләүдә катнашу, конференцияләр, түгәрәк өстәлләр, семинарлар, шулай ук 1997 елдан башлап Федерация Советы һәм Дәүләт Думасы ярдәме белән уңышлы үткәрелә торган «Ел менеджеры» Россия конкурсын үткәрү кебек мөһим бурычны 25 елга якын вакытта хәл итә.
Академиянең әгъзалары булып халык хуҗалыгының төрле тармаклары предприятиеләре һәм оешмалары җитәкчеләре, дөньяның 24 иленнән галимнәр тора.
ХМА мактаулы әгъзалары:
- Сергей Юрий улы Глазьев – Вице-президент, Халыкара Менеджмент Академиясе академигы, «Ел менеджеры» Россия идарәчеләр конкурсының Эксперт советы (жюри) рәистәше, Евразия икътисадый комиссиясенең (ЕИК) интеграциясе һәм макроикътисады буенча Коллегия әгъзасы (министр), Россия фәннәр академиясе академигы, доктор
- Юрий Виталий улы Росляк – Вице-президент, Халыкара Менеджмент Академиясе академигы, «Ел менеджеры» Россия идарәчеләр конкурсының Эксперт советы (жюри) рәистәше, «Роскосмос» космик эшчәнлек буенча Дәүләт корпорациясенең капиталь төзелеш буенча генераль директор урынбасары, икътисад фәннәре кандидаты
- Олег Николай улы Сосковец – Россия товар җитештерүчеләр берлеге Президенты, «Евразия Эшлекле советы» Коммерциячел булмаган партнерлыкның Координация советы рәисе, Россия финанс-сәнәгать төркемнәре Ассоциациясе президенты, техник фәннәр докторы
- Виктор Иван улы Гришин – Вице-президент, Халыкара Менеджмент Академиясе академигы, Г.В. Плеханов исемендәге Россия икътисад университеты ректоры, икътисад фәннәре докторы, профессор