Якын көннәрдә төзелеш тармагына ярдәм итүнең яңа чаралары эшли башлаячак

2020 елның 22 апреле, чәршәмбе

Россия Федерациясе төзелеш, архитектура һәм торак-коммуналь хуҗалык министры Владимир Владимир улы Якушев 21 апрельдә РБК мәйданчыгында узган онлайн-конференция режимында, якын көннәрдә эшли башлаячак пандемия чорында төзелеш тармагына ярдәм итү чаралары турында сөйләде:

• беренче чиратта дәүләттән салым һәм башка преференцияләргә исәп тота ала торган төзелеш өлкәсе һәм ТКХ системасын барлыкка китерүче предприятиеләр исемлеге;
• 2020 елның 1 ноябренә кадәр мөрәҗәгать итәргә мөмкин булган төбәкләрдә 3 млн сумга кадәр һәм Мәскәүдә һәм Санкт-Петербургта 8 млн сумга кадәр уңайлы класстагы торак сатып алуга еллык 6,5% процент ставкасы белән (кредитның бөтен вакытына) барлык россиялеләр өчен дәүләт тарафыннан субсидияләнгән ташламалы ипотекасы;
• төзелеш тармагы компанияләре өчен банк кредитларыннан файдалану мөмкинлеге, алар, гомумән алганда, үз хезмәт коллективларын саклап калачак һәм 2020-2021 елларда файдалануга тапшыру планлаштырылган йортлар төзелешен тәмамлау бурычын үз өстенә алачак;
• өлешчеләрне яклау фонды, төзелеш индустриясен берьюлы эш урыннары белән тәэмин итеп, төзелеп бетмәгән йортларны төзү өчен 30 млрд сум алачак;
• ДОМ.РФ Дәүләт корпорациясе, алга таба бу фатирларны РФ гражданнары, шул исәптән ташламалы ипотека программалары кысаларында сатып ала алсын өчен, төзүчеләрдән уңайлы класслы яңа фатирлар сатып алу максатыннан, коммерцияле банкларның кредит акчаларын җәлеп итү өчен, 50 млрд сум күләмендә финанс гарантиясе алачак.