Капиталь төзелеш объектларын проектлаштыру өчен махсус техник шартларны эшләү Тәртибенә үзгәрешләр кертелде

2020 елның 21 апреле, сишәмбе

2020 елның 27 апрелендә «2016 елның 15 апрелендә чыккан 248/пр номерлы Россия Федерациясе төзелеш һәм торак-коммуналь хуҗалык министрлыгының боерыгы белән расланган капиталь төзелеш объектына  карата проект документларын эшләү өчен махсус техник шартлар эшләү һәм килештерү Тәртибенә үзгәрешләр кертү турында» 2020 елның 27 мартында чыккан 165/пр номерлы Россия төзелеш министрлыгының боерыгы гамәлгә керә.

Боерык белән түбәндәге үзгәрешләр кертелә:

• янгыннан саклау мәсьәләләре буенча МТШ килештерү процедурасын оптимальләштерү өлешендә (конструктив куркынычсызлык мәсьәләләренә кагылмаган очракта) аларны бары тик Россия ГХМ белән генә килештерү беркетелде;
• МТШ проектын карау срогы өлешендә 60 календарь көн, карамыйча таләпләрне бозып җибәрелгән документларны кире кайтару срогы - 5 эш көне дип билгеләнгән;
• махсус техник шартларны килештерү тәртибе өлешендә документларны Россия төзелеш министрлыгының рәсми сайтын һәм көчәйтелгән квалификация электрон култамгасын кулланып электрон формада тапшыру рөхсәт ителә;
• шулай ук МТШ проектын килештерү мөмкинлеге яки аларны эшләп бетерү кирәклеге турында карарны кабул итү максатыннан төзелгән Норматив-техник советның вәкаләтләре һәм составы беркетелгән.