Кайбер шәһәр төзелеше документларының һәм экспертларның квалификация аттестатларының гамәлдә булу вакыты озайтылды

2020 елның 17 апреле, җомга

2020 елның 6 апрелендә «2020 елда рөхсәт итү эшчәнлегенә карата рөхсәтләрнең гамәлдә булу вакытын озайту һәм башка үзенчәлекләр турында» 2020 елның 3 апрелендә чыккан 440 номерлы РФ Хөкүмәтенең Карары гамәлгә керде. Аның нигезендә кайбер шәһәр төзелеше документларының һәм экспертларның квалификация аттестатларының гамәлдә булу вакыты озайтылды:

• 6 апрельдән 2021 елның 1 гыйнварына кадәр гамәлдән чыгучы проект документларына һәм (яки) инженерлык эзләнүләр нәтиҗәләренә экспертиза бәяләмәләрен әзерләү хокукына квалификация аттестатларының гамәлдә булу срогы 5 елдан 6 елга кадәр озайтыла;
• 2021 елның 1 гыйнварына кадәр проект документларына һәм (яки) инженерлык эзләнүләр нәтиҗәләренә экспертиза бәяләмәләрен әзерләү хокукына физик затларны аттестацияләү, яңадан аттестацияләү бары тик электрон рәвештә генә башкарылачак. Күрсәтелгән затларга бу чорда квалификация аттестатлары кәгазьдә бирелмәячәк, ә бу затлар турында белешмәләр аттестацияләнгән затлар реестрына кертеләчәк, ул Россия төзелеш министрлыгының рәсми сайтында урнаштырылачак;
• 440 номерлы Карар гамәлдә булган чорда юридик затның, шәхси эшмәкәрнең яки физик затның мәҗбүри таләпләренә туры килү-килмәүне раслау срогы җиткән очракта проект документларына экспертиза үткәрү хокукына аттестация үтү 12 айга кадәр вакытка күчерелә;
• сроклары 7 апрельдән 2021 елның 1 гыйнварына кадәр тәмамлана торган төзелешкә рөхсәтләрнең гамәлдә булу вакыты бер елга кадәр озайтыла;
• 2021 елның 1 гыйнварына кадәр әлеге карар гамәлгә кергән көннән соң  гамәлдә булу вакыты беткән шәһәр төзелеше планында күрсәтелгән мәгълүматтан файдалану срогы бер елга кадәр озайтыла.