«ТР төзелеш һәм архитектура буенча дәүләт экспертизасы һәм бәя кую идарәсе» ДАУ Татарстан Республикасында төзелештә BIM-технологияләрне кертү буенча семинар үткәрде
Бүген, 2020 елның 12 мартында, мәгълүмати модельләштерү технологияләрен кертү мәсьәләләре буенча төзелеш тармагын модернизацияләү һәм аның сыйфатын арттыру максатыннан, ТР төзелеш, архитектура һәм торак-коммуналь хуҗалык министрлыгында «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» ДАУ «Төзелеш объектларын мәгълүмати яктан модельләштерү. Татарстан Республикасында төзелештә мәгълүмати модельләштерү технологияләрен кертү этаплары» темасына семинар-киңәшмә оештырды һәм үткәрде.
Семинарда түбәндәге мөһим темалар каралып үтте:
- РФ 2024 елга кадәр BIM-технологияләрне кертү концепциясе;
- Татарстан Республикасында BIMны кертү этаплары: төзелеш процессында катнашучыларның роле, функцияләре, үзара хезмәттәшлек итү үзенчәлекләре;
- проект документларына экспертиза үткәрү процедурасындагы яңалыклар;
- яңа кагыйдәләр буенча проектлаштыру өчен биремне төзүгә карата таләпләр;
- норматив-хокукый базаны аңлату;
- төзелештә мәгълүмати модельләштерү өлкәсендәге белгечләрне профессиональ әзерләү.
Чарада Татарстан Республикасы төрле муниципаль берәмлекләренең проект институтларыннан, төзелеш оешмаларыннан, башкарма комитетларыннан һәм башка регионнардан 65тән артык белгеч катнашты.
Семинар программасы бик эчтәлекле һәм файдалы булды. Семинар ахырында семинар лекторлары белән бергә түгәрәк өстәл үткәрелде, анда проблемалы сораулар каралып үтте һәм төзелеш өлкәсендә мәгълүмати модельләштерү технологияләрен кертү буенча күпсанлы актуаль сорауларга җентекле җаваплар алынды.