Тимур Рөстәм улы Зиннәтуллин Казанда Россиянең баш дәүләт экспертизасы киңәшмәсендә катнашты
Киңәшмә 2020 елның 18 февралендә Россия баш дәүләт экспертизасының Казан филиалы базасында РФ төзелеш министрының беренче урынбасары Ирек Әнвәр улы Фәйзуллин, ТР төзелеш министры Фәрит Мөдәрис улы Хәнифов, «Россиянең баш дәүләт экспертизасы» ФАУ башлыгы Игорь Евгений улы Манылов катнашында үтте. Киңәшмә тәртибендә ике мәсьәлә каралып үтте:
- инвестицион-төзелеш процессында катнашучыларның һөнәри дәрәҗәсен күтәрү;
- дәүләт идарәсенең, мәгълүмати технологияләрнең һәм элемтәнең цифрлы үсеше.
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ җитәкчесе урынбасары Тимур Рөстәм улы Зиннәтуллин хәбәр иткәнчә, «ТР төзелеш һәм архитектура буенча дәүләт экспертизасы һәм бәя кую идарәсе» ДАУ уртак эш өлешендә хезмәттәшлек итәргә әзер. Россиянең баш дәүләт экспертизасы проекты актуаль һәм һөнәри берләшмәгә кирәкле, бу исә белемнәрне консолидацияләргә һәм төзелеш процессын оештыру һәм аның белән идарә итү тәҗрибәсен «беренче телдән» тапшырырга мөмкинлек бирәчәк. «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге өстәмә әзерлек буенча ТР әйдәп баручы уку йорты булып тора һәм белем алу мәсьәләләрендә зур тәҗрибәгә ия. Экспертлар инде бу юнәлештә эшли һәм ел саен 1500 дән артык кешегә төзелеш объектларының иминлеген һәм ышанычлылыгын тәэмин итү мәсьәләләре буенча белем бирә.