«ТР төзелеш һәм архитектура буенча дәүләт экспертизасы һәм бәя кую идарәсе» ДАУ төзелеш иминлеге буенча укулар оештыра
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге 2020 елның 13-14 февраль көннәрендә «Төзелеш иминлеге һәм төзелеш контролен гамәлгә ашыру» дигән квалификация күтәрү курсларын оештыра.
Программа БС-15 типлаштырылган белем алу программасының капиталь төзелеш объектлары буенча иминлеккә йогынты ясаучы эшләргә керү мәнфәгатьләренә һәм «Төзелеш контроле белгече» һөнәри стандарт таләпләренә туры килә. Квалификация күтәрү төзелеш контроле белгечләре өчен һәр 5 ел саен мәҗбүри һәм белгечләрне Төзүчеләрнең милли реестрына кертү өчен кирәк.
Максатчан аудитория: төзелеш, эксперт һәм проект оешмалары, төзүче һәм техник заказ бирүче хезмәтләре җитәкчеләре һәм белгечләре, авторлык күзәтчелеген, дәүләт төзелеш күзәтчелеген гамәлгә ашыручы белгечләр һәм барлык кызыксынган затлар.
Белем алу бәясе: бер катнашучы өчен 6 800 сум тәшкил итә (ӨБС салынмый). Укулар тәмамлангач, билгеләнгән үрнәктәге квалификация күтәрү турында таныклык бирелә.
(!) Заявкалар 2020 елның 10 февраленә кадәр info@proff-standart.ru почтасына кабул ителә.
Укуларны үткәрү урыны: «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге («ПрофСтандарт»), Казан шәһ., Шуртыгин ур., 22 нче йорт.
Өстәмә мәгълүмат: + 7 (843) 253-75-49, 272-65-60,8-96-00-43-43-44.