«2020 елның иң яхшы сметчигы» конкурсында катнашу өчен заявкалар кабул ителә

2020 елның 13 гыйнвары, дүшәмбе

Конкурс турында:

Конкурс 2014 елдан башлап, төзелештә бәя кую һәм смета нормалаштыру өлкәсендә белгечләр эшчәнлегенең нәтиҗәлелеген күтәрү максатыннан үткәрелә, анда 184 кеше катнашты. Конкурсның төп бурычларыннан берсе – үз белемнәрен бәяләү һәм профессионал коллегалардан тәҗрибә үзләштерү.

Конкурсны оештыручылар:

• Татарстан Республикасы төзелеш, архитектура һәм торак-коммуналь хуҗалык министрлыгы;
• «ТР төзелеш һәм архитектура буенча дәүләт экспертизасы һәм бәя кую идарәсе» ДАУ;
• «Россия дәүләт экспертизасының баш идарәсе» ФАУ Казан филиалы
• «ТР төзүчеләр берлеге» эш бирүчеләрнең региональ тармак берләшмәсе;
• «Казан дәүләт архитектура-төзелеш университеты» югары белем бирүнең федераль дәүләт бюджет белем бирү учреждениесе.

Конкурс нәрсә бирә:

• Беренчедән, сез хезмәттәшләр арасында үзегезнең һөнәри статусыгызны күтәрерсез, хезмәт базарында өстенлек һәм киләчәктә карьера үсешен алырсыз;
• Икенчедән, бу смета эшенең профессионаллары эшли торган эш бирүче өчен мактаулы һәм дәрәҗәле;
• Өченчедән, бу үз һөнәре белән мавыгучы сметчик өчен мактаулы бүләк – «Татарстан Республикасының иң яхшы сметчигы» дигән фирма алтын значогы;
• Дүртенчедән, квалификацияне эштән аерылмыйча гына арттыру мөмкинлеге;
• Бишенчедән, үз белемнәрен һәм осталыкларын объектив бәяләү мөмкинлеге;
• Алтынчыдан, смета эшенең осталары белән аралашу мөмкинлеге;
• Һәм, ниһаять, конкурс атмосферасы һәм ярышу рухы.

«2020 елның иң яхшы сметчигы» VII Республикакүләм һөнәри осталык конкурсында катнашу шартлары:

• 2020 елның 1 мартына кадәр заявка бирергә;
• Ел саен үткәрелә торган семинарда катнашучылар өчен 20% күләмендә ташлама бирелә;
• Конкурста төзелеш тармагының бәя кую һәм смета нормалаштыру өлкәсендәге кирәкле белемнәргә ия булган теләсә кайсы практик белгеч катнаша ала;
• Конкурста катнашучының яше чикләнмәгән.

Приз фонды:

• 1 УРЫН – «Татарстан Республикасының иң яхшы сметчигы» фирма алтын значогы, 1 дәрәҗәдәге лауреат дипломы, исемле мөһер һәм квалификация аттестаты алу белән аттестацияләнгән сметчиклар реестрына кертелү;
• 2 УРЫН – 2 дәрәҗәдәге лауреат дипломы, квалификация аттестаты алу белән аттестацияләнгән сметчиклар реестрына кертелү;
• 3 УРЫН – 3 дәрәҗәдәге лауреат дипломы, квалификация аттестаты алу белән аттестацияләнгән сметчиклар реестрына кертелү;
• КАТНАШУЧЫЛАР – «Татарстан Республикасының иң яхшы сметчигы» конкурсында катнашучы дипломы.

Бүләкләү тантанасы ТР төзелеш, архитектура һәм ТКХ министрлыгында үтә һәм Төзүчеләр көненә багышланган.

Конкурс турында тулырак мәгълүмат биредә.

Заявка бирү бланкы