Һөнәри осталык конкурсларын үткәрүне 2030 елның Төзелеш тармагын үстерү стратегиясенә кертәчәкләр
2019 елның 16 октябрендә Россиянең төзелеш министрлыгы янында Иҗтимагый совет президиумы утырышы үтте, анда төзелеш һәм ТКХ кадрлар потенциалын һәм квалификация системасын үстерү мәсьәләләре турында фикер алыштылар.
Кадрлар мәсьәләләре барлык стратегик документларга да кертелгән, шул исәптән алар 2030 елга кадәр Төзелеш тармагын үстерү стратегиясендә язылачак, чөнки төзелеш һәм ТКХ кадрлар белән тәэмин итү бурычлары тармакның нәтиҗәле эшчәнлеге өчен мөһим әһәмияткә ия. Хәзер хезмәт базары мониторингы нигезендә һөнәри белем бирүне тәмамлаучыларның 37% гына үз белгечлеге буенча эшли. Һөнәри юнәлеш бирүне квалификацияләрнең милли системасы, төзелеш һәм ТКХ өлкәсендә һөнәрләрнең абруен популярлаштыру, һөнәри осталык конкурсларын үткәрү, чыгарылыш сыйныф укучыларын һөнәри әзерләү ярдәмендә арттырырга планлаштыралар.
Президиум нәтиҗәләре буенча региональ спецификаны исәпкә алып, тармакның кадрлар ихтыяҗына мониторинг үткәрү, үрнәк белем бирү программаларын эшләү һәм актуальләштерү, белгечләрнең квалификациясенә бәйсез бәяләүне кертү, һөнәри белем бирү юнәлеше һәм кадрлар сәясәте буенча Комиссия булдыру турында карарлар кабул ителде.
Белешмә:
Бүгенге көндә 51 һөнәри стандарт һәм 120 дән артык квалификация эшләнгән. 61 субъектта Координация советлары булдырылган һәм эшли, 715 тән артык белгеч квалификациягә бәйсез бәяләүне үткән.