Стратегия 2030 кысаларында төзелеш тармагы үсешенең төп юнәлешләре билгеләнде
Объектның тормыш циклы белән идарә итү һәм техник җайга салу нормаларын һәм таләпләрен берләштерү – төзелеш тармагындагы иң мөһим мәсьәләләрнең берсе. Бу хакта Чиләбедә «Төзелештә техник җайга салу» VII Халыкара конференция кысаларында «Россиядә төзелеш тармагын үстерү Стратегиясе һәм Милли проектлар: эшләнмә һәм беренче адымнар» пленар утырышы барышында экспертлар фикер алыштылар.
Төзелеш проектларының нәтиҗәлелеге белән идарә итү максатыннан классик нормоконтрольдән мәгълүматлар белән идарә итүгә, бердәм цифрлы мохит булдыруга, проект һәм төзелеш эшләренең барлык стадияләрендә экспертлар белән тәэмин итүне гамәлгә кертүгә, төзелеш бәясе белән идарә итү системасын булдыруга, төзелеш тармагы өчен белем базаларын һәм өстәмә кыйммәтләрне формалаштыруга күчәргә кирәк.
Төзелеш өлкәсен бердәм мәгълүмат системасына интеграцияләргә кирәк. Моның өчен:
- проектлаштыру һәм төзелеш мәсьәләләрен җайга салучы норматив-техник документлар фондын цифрлы форматка күчерергә;
- капиталь төзелеш объектының мәгълүмат моделен автоматлаштырылган тикшерүгә күчү нигезләрен формалаштырырга;
- халыкара һәм россия законнары белән норматив-техник документларны гармонизацияләү максатыннан төзелеш мәгълүматын классификацияләүнең бердәм системасын кертергә.