Мәҗит Хаҗип улы Салихов архитектура көне белән котлый!
Хөрмәтле архитекторлар, дизайнерлар, проектлаучылар,
үз тормышын архитектура белән бәйләгән коллегалар,
әлеге иҗади эшчәнлеккә катнашы булган профессионаллар!
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе һәм шәхсән үз исемемнән сезне чын күңелдән һөнәри бәйрәмегез – Бөтендөнья архитектура көне белән котлыйм!
Сез тудыра торган архитектура шедеврлары сыман сезнең һөнәрегез күпкырлы һәм уникаль. Бу һөнәри бәйрәмне без өч дистә елга якын билгеләп үтсәк тә, «архитектор» һөнәре мең еллар элек барлыкка килгән. Сезнең катнашыгыздан башка бер проект та башкарылмый – җирдәге сызымнар кул астындагы чаралар белән барлыкка килгән вакытта күп мең еллар элек беренче шәһәрләрне төзегәндә дә, хәзерге вакытта заманча биналарны компьютер графикасы ярдәмендә төзегәндә дә.
Сезнең игелекле интеллектуаль хезмәтегез дөньяны үзгәртә. Сезнең эшегез идеядән башлана, табигатькә һәм җәмгыятькә мәхәббәт белән гамәлгә ашырыла, төзелгән биналарда һәм корылмаларда материаллаштырыла һәм кешелелекнең үсеш динамикасын чагылдыра. Киләчәк буынның дөньяны, төзелгән корылмаларның ныклыгын һәм ышанычлылыгын, гражданнарның иминлеген, шулай ук кешеләр өчен уңайлылык дәрәҗәсен һәм архитектура чишелешләренең уңайлылыгын ничек күрүе нәкъ менә сезгә бәйле. Сез – иҗатчылар, сезнең ярдәм белән шәһәрләребез яхшырак, матуррак булып бара.
Хөрмәтле коллегалар, сезгә иминлек, иҗади күтәренкелек, эшегездән ләззәт һәм яңа кызыклы проектлар телим. Сәламәт, бәхетле, яратылган кеше булыгыз!
Хөрмәт белән, «ТР төзелеш һәм архитектура буенча дәүләт экспертизасы һәм бәя кую идарәсе» ДАУ җитәкчесе Мәҗит Хаҗип улы Салихов