Төзелештә бәя кую буенча федераль дәүләт мәгълүмат системасы өчен мәгълүмат чыганаклары исемлеге киңәйтеләчәк

2019 елның 1 октябре, сишәмбе

Төзелештә бәя кую буенча федераль дәүләт мәгълүмат системасы (ТББ ФДМС) өчен җитештерүчеләр, импортерлар һәм ташучылар исемлеге төзелеш ресурсларын күпләп сату белән шөгыльләнүче дәүләт компанияләреннән, Россия Федерациясе субъектларының башкарма хакимият органнарыннан һәм юридик затлардан мәгълүмат белән тулыландырылачак. Моннан тыш, алга таба, ресурсларның бәясе турында мәгълүматның керү чыганакларын киңәйтүне исәпкә алып, мәгълүматларны эшкәртү ысуллары камилләштереләчәк. ТББ ФДМС түбәндәге мәгълүмат системалары белән интеграцияләнәчәк:

• Капиталь төзелеш объектларының проект документларына экспертиза бәяләмәләренең бердәм дәүләт реестры (ББДР);
• Сәнәгатьнең дәүләт мәгълүмат системасы (СДМС);
• Россия транспорт министрлыгының мәгълүмат системасы.

Бу хәзерге вакытта эшкә яраклы халәттә смета бәясен билгеләүнең базис-индекс алымына ярдәм итәргә һәм төзелеш смета бәясен билгеләүнең ресурс моделенә этаплап күчүне оештырырга мөмкинлек бирәчәк.