Проект документларына кабат экспертиза үткәрү процедурасы гадиләштерелгән

2019 елның 5 июле, җомга

Россиянең төзелеш министрлыгы проект документларына кабат экспертиза үткәрү процедурасын гадиләштерде. Эшләнгән чаралар биналарның һәм корылмаларның куркынычсызлыгын тәэмин итү таләпләрен тулысынча саклап,  объектлар төзелешен 3-6 айга кыскартырга мөмкинлек бирә.

Проект документларына кабат экспертиза үткәрү түбәндәге очракларда таләп ителми:

• әгәр элек экспертизаның уңай бәяләмәсен алган, объектның төзелеш конструкцияләренә кагылмаган проект документларына үзгәрешләр кертелгән булса;
• әгәр проектка үзгәрешләр линияле объектлар функцияләвенең классын, категориясен һәм (яки) башта билгеләнгән күрсәткечләрен үзгәртүгә китермәсә;
• әгәр проектка кертелгән үзгәрешләр техник регламентларның, санитар-эпидемиологик таләпләрнең, әйләнә-тирә мохитне саклау, сәнәгать куркынычсызлыгы, мәдәни мирас объектларын дәүләт саклавы өлкәсендәге таләпләрнең, атом энергиясеннән куркынычсыз файдалануга, шулай ук электр энергетикасы системаларының һәм электр энергетикасы объектларының ышанычлылыгын һәм куркынычсызлыгын тәэмин итүгә, объектның террорга каршы якланганлылык таләпләренең бозылуына китермәсә.

Билгеле булганча, эксперт алып бару һәм проект документларына экспертиза бәяләмәләрен бирү тәртибе, шулай ук эксперт алып бару барышында проект документларына кертелгән үзгәрешләр барлык кирәкле таләпләргә туры килүне раслау тәртибе Россия Федерациясе Хөкүмәте тарафыннан билгеләнә.

«Күпфатирлы йортларны һәм башка күчемсез милек объектларының өлешләп төзүдә катнашуы һәм Россия Федерациясенең кайбер закон актларына үзгәрешләр кертү турында» Федераль законга һәм Россия Федерациясенең аерым закон актларына үзгәрешләр кертү хакында» 2018 елның 1 июлендә чыккан 175-ФЗ номерлы РФ Федераль законы