Дәүләти экологик экспертиза үткәрелергә тиешле капиталь төзелеш объектлары
Гамәлгә 2019 елның 1 гыйнварыннан кергән «Экологик экспертиза турында» 1995 елның 23 ноябрендә чыккан 174-ФЗ номерлы Федераль законның 7.5 бүлекчәсе нигезендә НВОСның I категория объектларына керә торган (капиталь төзелеш объекты һәм (яки) башка объект, шулай ук бердәм билгеләнеш белән берләшкән һәм (яки) физик яки технологик яктан аергысыз бәйләнештәге һәм бер яки берничә җир кишәрлеге чикләрендә урнашкан объектларның җыелмасы) капиталь төзелеш объектларының проект документлары дәүләти экологик экспертизаны үтәргә тиеш, җир асты байлыкларыннан файдаланучыга бирелгән һәм региональ геологик өйрәнү, геологик өйрәнү, нефть һәм табигый газ эзләү һәм чыгару өчен кирәкле җир кишәрлегендә булдырыла торган бораулау скважиналарының проект документларыннан тыш.
Әгәр объектның состав өлеше яисә НВОСның I категория мөстәкыйль объекты булган капиталь төзелеш объектының проект документларына, 2019 елның 1 гыйнварыннан соң әлеге экспертиза күләмендә кабат бәяләү максатыннан мондый проект документларын экспертизага бирүгә китерә торган үзгәрешләр кертелсә, мондый проект документлары федераль дәрәҗәдәге дәүләти экология экспертизасы объекты булып тора.