Эскроу счетларыннан башка эшләрне башкару критерийлары билгеләнде
Россия төзелеш министрлыгы, эскроу счетларыннан башка өлешчеләр акчаларын җәлеп итү мөмкинлеген билгеләү өчен, күпфатирлы йорт проектының конструктив элементлары әзерлеге дәрәҗәсен исәпләү тәртибен аңлатты.
«Күпфатирлы йортның һәм (яки) башка күчемсез милек объектының әзерлек дәрәҗәсен һәм өлешләп төзүдә катнашуның төзелгән шартнамәләр санын билгеләүче, 2019 елның 1 июленнән соң дәүләт теркәвенә тапшырылган өлешләп төзүдә катнашу шартнамәләре буенча «Күпфатирлы йортларны һәм башка күчемсез милек объектларын өлешләп төзүдә катнашу һәм Россия Федерациясенең кайбер закон актларына үзгәрешләр кертү турында» Федераль законның 15.4 статьясында каралган счетлардан башка, төзүчегә туры килү шарты белән өлешләп төзүдә катнашучыларның акчаларын җәлеп итү хокукы бирелә торган критерийлар турында» 2019 елның 22 апрелендә чыккан РФ Хөкүмәтенең Карары нигезендә конструктив элементларның әзерлек дәрәҗәсен исәпләү РФ законнарында билгеләнгән тәртиптә кадастр инженеры тарафыннан башкарыла. «Күчемсез милекне дәүләт теркәвенә кертү турында» 2015 елның 13 июлендә чыккан 218-ФЗ Федераль законның 24 статьясы нигезендә конструктив элементларның әзерлек дәрәҗәсен исәпләү шулай ук кадастр инженеры тарафыннан әзерләнә һәм имзалана.