Смета бәясен индексацияләү кагыйдәләре үзгәртелә
Фикер алышу өчен «2016 елның 23 декабренда чыккан 1452 номерлы Россия Федерациясе Хөкүмәтенең карарына үзгәрешләр кертү турында» РФ Хөкүмәте карары һәм «Төзелеш смета бәясенең фаразланган үзгәреш индексларын исәпләү Методикасы раслануы турында» РФ төзелеш һәм торак-коммуналь хуҗалык министрлыгы боерыгы проектлары чыгарылды.
«Төзелеш ресурслары бәяләренең мониторингы турында» 2016 елның 23 декабренда чыккан 1452 номерлы РФ Хөкүмәте карарында түбәндәге өстәмә тәкъдим ителә: төзелеш ресурслары җитештерүчеләрнең мәгълүматлары нигезендә смета бәясен билгеләүнең ресурс ысулын тулысынча куллануга күчкәнче базис-индекс ысулы кысаларында агымдагы бәяләр дәрәҗәсендәге капиталь төзелеш объектлары төзелешенең смета бәясен билгеләгәндә кулланыла торган индексларны исәпләүнең төп кагыйдәләрен беркетергә кирәк.
Индексларның номенклатурасын киңәйтү мөмкинлеген, төзелеш ресурсларының агымдагы бәяләрен мониторинглау кагыйдәләрен һәм РФ субъектларының башкарма хакимияте органнары, дәүләт корпорацияләре һәм тармак оешмалары тарафыннан төзелешнең смета бәясен билгеләгәндә кулланыла торган беренче разрядлы эшчеләрнең уртача айлык тариф ставкасы күләмен билгеләү тәртибен билгеләргә тәкъдим ителә.
Шулай ук проект һәм тикшеренү эшләре бәясенең үзгәреш индексларын исәпләү кагыйдәләрен аныклау планлаштырыла.
(!) Гавами фикер алышулар 2019 елның 8 февраленә кадәр regulation.gov.ru порталында дәвам итәчәк.