Экологик экспертиза турындагы законга үзгәрешләр кертелде
«Экологик экспертиза турында» Федераль законның 14 статьясына һәм «Әйләнә-тирә мохитне саклау турында» Федераль законга үзгәрешләр кертү хакында» Федераль законга һәм Россия Федерациясенең аерым закон актларына үзгәрешләр кертү хакында» 2018 елның 25 декабренда чыккан 496-ФЗ номерлы РФ Федераль законы белән экологик экспертиза турындагы законга һәм башка актларга төзәтмәләр кертелде.
Документ нигезендә барлык объектлар буенча дәүләти экологик экспертиза үткәрү вакыты 3 айдан 2 айга кадәр кыскартылган. Әмма экспертиза үткәрү вакытын, элеккеге кебек үк, заказ бирүче гаризасы буенча озайтырга мөмкин.
2019 елдан федераль дәрәҗәдәге дәүләти экология экспертизасы объектларына I категорияле объектларның проект документлары керәчәк. Әлеге норма капиталь төзелеш объектларының документларына карата түбәндәге очракларда кулланылмый – әгәр дә:
- мондый объектлар 2019 елның 1 гыйнварына кадәр файдалануга кертелгән яки аларның төзелешенә рөхсәт шул датага кадәр бирелгән булса;
- мондый объектларның проект документлары 2019 елның 1 гыйнварына кадәр экспертизага тәкъдим ителгән яки күрсәтелгән документларга карата бәяләмә шул датага кадәр алынган булса;
- мондый объектларның проект документларын әзерләү нефть һәм табигый газга карата җир асты байлыклары кишәрлекләреннән файдалану белән бәйле булган эшләрне башкару өчен документлар белән каралган булса.
2019 елның 1 гыйнварына кадәр I һәм II категория объектлары өчен пычраткыч матдәләрне ташлауга карата алынган рөхсәтләр мондый рөхсәтләрнең гамәлдә булу вакыты чыккан көнгә кадәр яисә комплекслы экологик рөхсәтне алган көнгә кадәр яки рөхсәтләрнең гамәлдә булу вакыты дәвамында әйләнә-тирә мохиткә йогынты ясау турындагы декларацияне тапшыру көненә кадәр гамәлдә була.
Закон 2018 елның 25 декабреннан, ә 2 статьяның 3 пунктындагы «б» һәм «в» кече пунктлары 2019 елның 1 гыйнварыннан гамәлгә керде.