2019 елда шәһәр төзелеше өлкәсендәге 133 яңа норматив документ расланачак
2018 елда төзелеш өлкәсендә 58 кагыйдәләр җыелмасы проектлары, милли һәм дәүләтара төзелеш стандартлары проектлары эшләнгән. Стандартлаштыру буенча эш биналарның һәм корылмаларның иминлеген тәэмин итүгә, мәгълүмати модельләштерүнең инновацион технологияләрен, энергоэффектив һәм полимер композит материалларын гамәлгә кертүгә, халыкара стандартлар таләпләрен исәпкә алып, төзелеш өлкәсендә дәүләтара норматив базаны булдыруга юнәлдерелгән иде.
2019 елга 80 стандартны раслау һәм 53 яңа кагыйдәләр эшләү, һәм инженерлык эзләнүләр, нигезләр һәм фундаментлар проектлаштыру, сейсмик районнарда проектлаштыру, торак, җәмәгать һәм җитештерү биналарын һәм корылмаларын, транспорт корылмаларын эксплуатацияләү өлкәсендә элек расланган кагыйдәләр җыелмаларына үзгәрешләр кертү планлаштырылган. Норматив базаны актуальләштерү «Торак һәм шәһәр мохите» Милли проекты күрсәткечләренең үтәлешенә юнәлдереләчәк.
Хәзерге вакытта «Алюминийдан ясалган конструкцияле күперләр. Проектлаштыру кагыйдәләре» Кагыйдәләр җыелмасы өстендә актив эш алып барыла. Шулай ук инновацион материалларны һәм технологияләрне гамәли куллануга тизрәк кертү өчен «ФЦС» ФАУ тарафыннан 248 техник таныклык бирелде.