«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе Кайбыч, Питрәч, Ютазы районнарында юллар төзү һәм төзекләндерү эшләрен килештерде
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе белгечләре тарафыннан ТР Кайбыч, Питрәч, Ютазы муниципаль районнарында автомобиль юлларны төзү һәм төзекләндерү эшләре буенча проект документларына экспертиза үткәрелде. Экспертиза нәтиҗәләре буенча уңай бәяләмәләр бирелде.
ТР Ютазы районында «Урыссу – Октябрь – Әбсәләм – Уба» автомобиль юлында Дымка елгасы аша агучы 96,3 м озынлыктагы һәм 10,8 м киңлектәге күпер участогы төзекләндереләчәк.
ТР Кайбыч районында 4,36 км озынлыктагы, гомуми мәйданы 45 га булган «Кушман – Бушанча – Зур Русаково» автомобиль юлы участогы төзекләндереләчәк.
ТР Питрәч районы «Царево усадьбасы» торак комплексындагы автомобиль юлын төзү проекты да экспертизаның уңай бәяләмәсен алды, ул үз эченә үзара тоташтырылган биш трассаны һәм автомобиль юлның ике боҗрасын ала. Проект белән төп керү юллары буенда тукталыш урыннары, тукталыш һәм утырту мәйданчыклары белән автобус тукталышлары урнаштырылуы каралган. Хәрәкәт иминлеген тәэмин итү һәм хәрәкәтнең шартларын һәм уңайлык дәрәҗәсен яхшырту өчен юл хәрәкәтен оештыруның техник чаралары каралган.
Проект документларын әзерләү өчен тәкъдим ителгән инженерлык эзләнүләр техник регламентлар таләпләренә туры килә. Проект документлары техник регламентларның таләпләренә, шул исәптән санитар-эпидемиологик, экологик таләпләргә, янгыннан саклау таләпләренә, шулай ук инженерлык эзләнүләр нәтиҗәләренә туры килә.
Мөрәҗәгать итүчеләр экспертиза үткәрү максаты белән gosekspertiza-rt.ru сайтының Шәхси кабинетында кабул ителү өчен чиратка языла һәм гариза тутыра, электрон рәвештә документлар тапшыра ала.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе белгечләре тарафыннан экспертизаны электрон рәвештә үткәргәндә теләсә нинди этапта ярдәм күрсәтелә. Моның өчен мөрәҗәгать итүчеләргә + 7 (843) 207-06-04 кайнар линия телефоны яки help.uslugi@tatar.ru электрон почтасы буенча мөрәҗәгать итәргә кирәк.
Электрон хезмәтләр буенча видеоаңлатма