Капиталь төзелеш объектлары смета бәясенең дөреслеген тикшерү процедурасына үзгәрешләр кертелде
2018 елның 2 ноябреннан башлап «Россия Федерациясе Хөкүмәтенең кайбер актларына үзгәрешләр кертү турында» 2018 елның 22 октябренда чыккан 1252 номерлы РФ Хөкүмәтенең Карары гамәлгә керде, ул субсидияләрнең объектлап бүленешен билгели торган, РФ Бюджет кодексының 79.1 ст. билгеләнгән тәртиптә кабул ителгән акт нигезендә, РФ субъекты бюджетына бирелгән субсидияләрне файдаланып финанслана торган капиталь төзелеш объектлары төзелешенең смета бәясен билгеләүнең дөреслеген тикшерү һәм экспертиза үткәрү вәкаләтләре РФ субъектының вәкаләтле органнарына (оешмаларына) беркетелә дип билгели.
Проект документларына һәм инженерлык эзләнүләр нәтиҗәләренә экспертиза һәм смета бәясен билгеләүнең дөреслеген тикшерү Татарстан Республикасының дәүләт экспертизасы («Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» ДАУ) тарафыннан үткәрелә, шул исәптән,
- Әгәр дә, республика бюджетына объектларга карата федераль бюджеттан финанслашуга бюджет инвестицияләре бирелгәндә:
- төзелеш, реконструкция;
- капиталь төзелеш объектларын капиталь ремонтлау;
- реставрация (Россия Федерациясе халыкларының мәдәни мирас объектларын саклау буенча эшләр).
- Киләсе объектлар өчен:
- Россия Федерациясе субъектларының дәүләт милке;
- муниципаль милек.
Шул ук вакытта субсидияләр Татарстан Республикасы карары белән һәркайсы объект буенча аерым расланырга тиеш.