Сызылмалы объектларны урнаштыру тәртибе гадиләштерелгән
2018 елның 3 августында чыккан 341-ФЗ номерлы Федераль закон нигезендә сызылмалы объектларны гавами сервитут шартларында урнаштыру турында карар кабул ителгән. Гавами сервитутны билгеләү турында үтенү хокукына ия булган затлар түбәндәге:
- табигый монополия субъектлары;
- элемтә оешмалары;
- федераль, региональ яки җирле әһәмияткә ия булган транспорт инфраструктурасы объектларының хуҗалары.
Закон белән гавами сервитутны билгеләү сроклары һәм аның эш-гамәл чорлары беркетелгән, гавами сервитут өчен түләү кертү үзенчәлекләре язылган.
Әгәр сервитут аркасында, рөхсәт ителгән куллану нигезендә кишәрлекләрне эксплуатацияләү мөмкин булмаса, кишәрлекләрнең хокугына ия булган кешеләр кишәрлекләр (объектлар) сатып алуны таләп итәргә мөмкин.
Гавами сервитут шәхси торак төзелеше, шәхси ярдәмче һәм дача хуҗалыгы, бакчачылык, яшелчәчелек өчен каралган кишәрлекләрдә билгеләнми. Искәрмәләрне тәшкил итәләр:
- мондый кишәрлекләрдә инженерлык челтәрләренә объектларны тоташтыру;
- гамәлдәге инженерлык корылмаларны эксплуатацияләү, реконструкцияләү;
- кулланудан дәүләти яки муниципаль ихтыяҗлар өчен чыгарылучы җир кишәрлекләреннән күчерелә торган инженерлык корылмаларны урнаштыру.
Документ гамәлгә 2018 елның 1 сентябреннан керә.