Эксперт карарларына яңа таләпләр расланды
РФ төзелеш Министрлыгы тарафыннан проект документларына һәм (яки) инженерлык эзләнүләр нәтиҗәләренә дәүләт экспертизасы карарларының составы, эчтәлеге һәм рәсмиләштерү тәртибе буенча яңа таләпләр расланды.
Шул рәвешле, «Проект документларына һәм (яки) инженерлык эзләнүләр нәтиҗәләренә дәүләт экспертизасы карарларының составы, эчтәлеге һәм рәсмиләштерү тәртибе буенча таләпләр раслануы турында» 2015 елның 9 декабренда чыккан 887/пр номерлы Россиянең Төзелеш министрлыгы боерыгы гамәлдән чыкты.
Яңа боерык нигезендә, дәүләт экспертизасы карарында титул бите, шулай ук түбәндәге бүлекләр булырга тиеш:
- экспертиза карарының гомуми нигезләмәләре һәм мәгълүматлары;
- проект документларына экспертиза үткәрү өчен тәкъдим ителгән документлардагы мәгълүматлар;
- инженерлык эзләнүләр нәтиҗәләренә экспертиза үткәрү өчен тәкъдим ителгән документлардагы мәгълүматлар;
- карап тикшергән документларның (материалларның) тасвирламасы;
- карап тикшерү нәтиҗәләре буенча йомгаклар.
2018 елның 1 июленнән башлап экспертиза карарлары турында мәгълүматлар капиталь төзелеш объектлары проект документларына карата экспертиза карарларының бердәм дәүләт реестрына кертелергә тиеш, шул ук вакытта экспертиза карарының номеры карарларның бердәм дәүләт реестрын алып баручы оператор белән бирелә.