«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе төзелеш өлкәсен техник җайга салу буенча курслар оештыра
2018 елның 8-9 июнь көннәрендә «ПрофСтандарт» белем бирү үзәгендә «Төзелеш өлкәсен техник җайга салу» программасы буенча квалификацияне арттыру курслары узачак.
Максатчан аудитория: проект һәм төзелеш оешмаларының, сынау үзәкләренең һәм лабораторияләренең җитәкчеләре һәм белгечләре, төзелеш материаллары белән тәэмин итүчеләр, экспертиза һәм төзелеш күзәтчелеге органнары, юридик бүлекләр белгечләре.
Төп лектор булып «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе экспертиза хезмәтенең җитәкчесе Тамара Сальникова чыгыш ясый, продукциянең туры килү-килмәү нормаларын бозган өчен административ җаваплылык мәсьәләләрен Третей энергетика суды судьясы Илья Новаковский карап үтәчәк.
Квалификацияне арттыру курслары кысаларында түбәндәге мәсьәләләр турында фикер алышачаклар:
- Техник җайга салу буенча элеккеге системаның заманча җайланмасы һәм төп нигезләмәләре
- «Биналарның һәм корылмаларның иминлеген саклау буенча техник регламент» 2009 елның 30 декабренда чыккан 384-ФЗ номерлы Федераль законның һәм башка техник регламентларның үзара бәйләнешлеге
- Капиталь төзелеш объектын проектлаштырган, төзегән, эксплуатацияләгән вакытта дәүләти норматив җайга салуның өлкәсе һәм бизнес-структураларның җаваплылыгы
- «Илкүләм стандартлар һәм кагыйдәләр җыентыгы исемлеге раслануы турында» 2014 елның 26 декабренда чыккан 1521 номерлы РФ Хөкүмәте Карары «гамәлгә кергәнгә кадәр» һәм «гамәлгә кергәннән соң» нормаларын куллану тәртибе
- Куллану һәм үтәү өчен мәҗбүри булган, ирекле нигездә кулланыла торган нормалар белән эш итү принцибы
- Актуаль нормаларны һәм кагыйдәләрне төзүчеләрнең Милли берләшмәсе Стандартларына, Үзен-үзе җайга сала торган оешмаларның Стандартларына, оешмаларның Стандартларына һ. б. тиңләштерү
- Бер үк предметны теркәүче хокукый нормалар арасында каршылыклар килеп чыккан очракта кулланышка хокук тәртибе
- Төзелеш өлкәсендә һәм техник җайга салу өлкәсендә продукциянең туры килү-килмәвен бәяләгән вакытта бозулар булган өчен административ җаваплылык турында Россия Федерациясенең административ хокук бозуларга карата Кодексы нормаларын куллану тәртибенә аңлатмалар
- 2016 - 2017 елларда Шәһәр төзелеше кодексына карата үзгәрешләргә һәм өстәмәләргә аңлатмалар, яңа закон таләпләренең гамәлгә керү тәртибе һәм сроклары
Укыту азагында билгеләнгән үрнәктәге квалификацияне арттыру турында таныклык бирелә.
Өстәмә мәгълүмат: www.proff-standart.ru, 272-65-60, 253-75-49, info@proff-standart.ru
Укытуны үткәрү урыны: «ПрофСтандарт» өстәмә һөнәри белем бирү автоном коммерцияле булмаган оешма, Казан шәһәре, Шуртыгина урамы, 22нче йорт