«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе һәм «РосКапСтрой» Федераль автоном учреждениесе партнерлык килешү төзеделәр

2018 елның 29 мае, сишәмбе

«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесе «РосКапСтрой» Федераль автоном учреждениесе белән үзара хезмәттәшлек турында килешү төзеделәр.

Килешүнең предметы булып түбәндәге өлкәләрдә үзара  хезмәттәшлек керә:

• шәһәр төзелеше, төзелеш, архитектура һәм торак-коммуналь хуҗалык өлкәләрендә белгечләрнең һөнәри белемнәрен арттыру;
• документлар һәм мәгълүматлар белән информацион алмашуны гамәлгә ашыру;
• киңәшмәләр, конференцияләр, семинарлар, симпозиумнар һәм башка чаралар үткәрү;
• белгечләрнең әзерлек сыйфатын арттыруга юнәлдерелгән укыту программаларын, укыту һәм методик кулланмаларны, белем дәрәҗәсен бәяләү  программаларын эшләү, рецензияләү, гамәлгә кертү һәм актуальләштерү;
• Россия Федерациясе субъектларында белгечләрне әзерләү һәм яңадан әзерләү юнәлешендә шартлар тудыру;
• белем бирү һәм фәнни программалар кысаларында белгечләр белән академик алмашуны гамәлгә ашыру;
• уртак фәнни тикшеренүләр, тәҗрибә-конструкторлык һәм башка эшләр уздыру.

Очрашуда «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» дәүләт автоном учреждениесенең эшләр белән идарә итүчесе – Раян Мөхәммәтҗанов, «РосКапСтрой» Федераль автоном учреждениесе директорының вазифаларын башкаручысы – Юлия Максимова катнашты.