Биналарны һәм корылмаларны проектлаштыру һәм төзү буенча яңа таләпләр расланган
РФ Хөкүмәте тарафыннан түбәндәге документларга үзгәрешләр кертелде:
-«Проект документлары бүлекләренең составы һәм аларның эчтәлегенә таләпләр турында» 2018 елның 16 февралендә чыккан 87 номерлы РФ Хөкүмәтенең карары белән расланган, проект документлары бүлекләренең составы һәм аларның эчтәлегенә таләпләр турында Нигезләмә;
-«Проектлаштыру һәм төзелеш этабында транспорт төрләре буенча транспорт инфраструктурасы объектларының куркынычсызлыгын тәэмин итүгә таләпләр һәм транспорт инфраструктурасы объектларына кермәгән, аларның объектларына барып тоташкан һәм Россия Федерациясе законнары нигезендә транспортның саклана торган җирләр зоналарына кергән җир кишәрлекләрендә урнашкан объектларның (биналарның, корылмаларның) транспорт куркынычсызлыгын тәэмин итүгә таләпләр раслануы турында, һәм проект документлары бүлекләренең составы һәм аларның эчтәлегенә таләпләр Нигезләмәсенә үзгәрешләр кертү турында» 2016 елның 23 гыйнварында чыккан 29 номерлы РФ Хөкүмәтенең карары.
Төзүче, төзелеш барган чакта, төзелә торган транспорт инфраструктурасы объектында түбәндәге чараларны оештырырга тиеш:
- транспорт куркынычсызлыгын тәэмин итү максаты белән оештырылган тикшерү;
- физик затлар керүнең (чыгуның), транспортлар керүнең (чыгуның), йөк һәм башка матди объектларны кертүнең (чыгаруның) контролен тәэмин итүче, шул исәптән персонал һәм башка затлар тормышына яки сәламәтлегенә зарар китерүче шартлаткыч җайланмаларны (шартлаткыч матдәләрне) урнаштыру мөмкинлеген яисә урнаштыру омтылышын булдырмау максатыннан уйланып чыгарылган үткәрү һәм объект эчендәге режимнар;
- РФ законнарында каралган, аерым транспорт инфраструктурасы объектларының төзелеш үзенчәлекләрен хисапка алып булыдырылган законсыз тыкшыну актларыннан саклану буенча чаралар.
Әлеге Карар 2018 елның 2 маеннан гамәлгә кертелде.