Төзелеш продукциясенең бәясен билгеләү буенча яңа методика басылып чыкты
РФ төзелеш Министрлыгы тарафыннан regulation.gov.ru сайтында төзелеш продукциясенең бәясен билгеләү буенча яңа методика белән боерыкның проекты басылып чыкты.
Методика капиталь төзелеш объектларына инвестицияләр планлаштырган һәм проект документларны әзерләгән вакытта капиталь төзелеш объектларының төзелеш, реконструкция, капиталь ремонты буенча смета бәясен формалаштырганда бердәм тәртипне билгели.
Методиканы гамәлгә кертү, боерыкны рәсми рәвештә бастырып чыгарганнан соң, 100 көн үткәч башланачак. Документ нигезендә, Методика түбәндәге эйберләрнең смета бәясен билгеләү өчен мәҗбүри характер йөртә:
- бөтен дәрәҗәдәге бюджетлардан, өстенлек итүче дәүләт яки муниципалитетлар катнашындагы компанияләрдән финансланган капиталь төзелеш объектларының төзелеше, реконструкциясе, капиталь ремонты;
- региональ оператор, ТМШ, ТТК яки башка махсуслашкан кулланучылар кооперативы акчалары исәбеннән тулысынча яисә өлешчә, биналар милекчеләренең акчалары исәбеннән финанслана торган күпфатирлы йортның капиталь ремонты.
Башка очракларда Методиканың нигезләмәре тәкъдим итү характерын йөртә һәм әгәр дә бу федераль закон яки килешү ярдәмендә билгеләнгән булса, кулланышка керә.
Документ буенча фикер алышу 18 майга кадәр дәвам итәчәк.