Дәүләтнең заказ бирүчеләр һәм подрядчыларына карата үзара бердәм аралашу кагыйдәләре билгеләнгән

2018 елның 15 феврале, пәнҗешәмбе

Россия Федерациясенең төзелеш һәм торак-коммуналь хуҗалык министрлыгы тарафыннан төзелешкә, проект һәм эзләнү эшләр уздыруга типлаштырылган контрактлар әзерләнгән.

2019 елның 1 гыйнварыннан башлап заказ бирүчеләр типлаштырылган формада подряд буенча килешүләр төзергә тиеш булачаклар.

Типлаштырылган контрактларны куллану проект һәм эзләнү эшләрен башкаручы дәүләтнең заказ бирүчеләр һәм подрядчыларына карата үзара бердәм аралашу кагыйдәләрен билгеләргә, шулай ук төзелеш яки объектларның реконструкциясе буенча эшләр башкарырга, срокларны кыскартырга һәм объектның төзелешенә чыгымнарны оптимальләштерергә мөмкинлек бирәчәк.

Типлаштырылган контрактларда түбәндәге мәгълүматлар күрсәтеләчәк:

• контрактның предметы;
• контрактның бәясе;
• башкарылган эшләр буенча түләү тәртибе;
• якларның хокуклары һәм бурычлары;
• җаваплылык зонасы;
• хезмәтләр башкаруның сроклары;
• объектны материаллар һәм җиһазлар белән тәэмин итү процессы;
• подрядчылар тарафыннан эшләр башкарган вакытта өченче затларны җәлеп итү үзенчәлекләре;
• эшләрне кабул итү тәртибе;
• җитешсезлекләрне бетерү графигы;
• контрактның гамәлдә булу сроклары;
• контрактны гамәлдән чыгару сәбәпләре.