Инвестицияләрне нигезләү буенча технологик һәм бәяләр аудиты (хезмәт күрсәтелү 2024 елның 31 декабренә кадәр туктатылган)
2020 елның 11 апреленнән «Федераль адреслы инвестицион программаны формалаштыру һәм тормышка ашыру Кагыйдәләренә үзгәрешләр кертү турында һәм Россия Федерациясе Хөкүмәтенең кайбер актлары буенча аерым нигезләмәләрнең гамәлдә булуын туктатып тору турында» 2020 елның 2 апрелендә чыккан 421 номерлы Россия Федерациясе Хөкүмәтенең Карары гамәлгә керде.
2024 елның 31 декабренә кадәр хезмәт күрсәтелү туктатылды, ә нәкъ менә:
- «Дәүләт катнашындагы эре инвестицион проектларга ачык технологик һәм бәяләр аудитын үткәрү турында һәм Россия Федерациясе Хөкүмәтенең кайбер актларына үзгәрешләр кертү хакында» 2013 елның 30 апрелендә чыккан 382 номерлы Россия Федерациясе Хөкүмәтенең карары белән расланган дәүләт катнашындагы эре инвестицион проектларга ачык технологик һәм бәяләр аудитын үткәрү турындагы Нигезләмәнең гамәлдә булуы туктатыла;
- Россия Федерациясе Икътисадый үсеш министрлыгына дәүләт катнашындагы эре инвестицион проектка ачык технологик аудит үткәрү турында уңай җыелма бәяләмә (капиталь төзелеш объектына карата проект документлары эшләнгән проектлар буенча) яисә дәүләт катнашындагы эре инвестицион проектның ачык технологик һәм бәяләр аудитының беренче этабын үткәрү турында уңай бәяләмә (үз эченә проект документларын эшләүне алган проектлар буенча) күчермәләрен, инвестицион проектка карата Россия Федерациясе законнары нигезендә мәҗбүри технологик һәм бәяләр аудиты үткәрелергә тиеш булган очракта, мөрәҗәгать итүче каршындагы иҗтимагый совет бәяләмәсен бирү турындагы таләп юкка чыгарыла. Әлеге нигезләмә «Капиталь кертемнәргә юнәлдерелә торган федераль бюджет акчаларыннан файдалануның нәтиҗәлелеге буенча инвестицион проектларны тикшерү тәртибе турында» 2008 елның 12 августында чыккан 590 номерлы Россия Федерациясе Хөкүмәте карары белән расланган капитал кертемнәргә юнәлдерелә торган федераль бюджет акчаларыннан файдалануның нәтиҗәлелеге буенча инвестицион проектларны тикшерү кагыйдәләренең 11 пунктындагы «з(1)» пунктчасы белән беркетелгән.
Россия Федерациясенең законнары нигезендә тәкъдим ителгән документлар мәгълүматларына керү чикле булган очраклардан тыш, инвестицияләрне нигезләү буенча технологик һәм бәяләр аудитын үткәргәндә инвестицияләрне нигезләүнең халык алдында фикер алышуы тәэмин ителә.
Хезмәт күрсәтелү нәтиҗәсе булып инвестицияләрне нигезләү буенча технологик һәм бәяләр аудитының карары тора.
Хезмәт күрсәтелүне алу өчен берничә гади адым:
АДЫМ 1: ФОРМАЛАР БУЕНЧА ДОКУМЕНТЛАР ӘЗЕРЛӘРГӘ. ДОКУМЕНТЛАР ШАБЛОННАРЫ
Мөрәҗәгать итүчеләр өчен гомуми мәгълүмати белешмә
Документлар
- Инвестицияләрне нигезләү буенча технологик һәм бәяләр аудитын исәпләүгә хат үрнәге
- Заказ бирүченең бланкындагы җаваплары яисә заказ бирүченең проект оешмасының җавапларына озату хаты
АДЫМ 2: ШАРТНАМӘ ТӨЗҮ ҺӘМ ХЕЗМӘТ ӨЧЕН ТҮЛӘҮ
Документларны тапшырганнан соң, шартнамәне имзаларга һәм шартнамә шартлары нигезендә хезмәт өчен түләргә кирәк.
Инвестицияләрне нигезләү буенча технологик һәм бәяләр аудитын үткәрүгә карата документларны тапшыру датасына исәпләнгән хезмәтне үткәрү өчен капиталь төзелеш объектының проект документларын һәм мондый проект документларын әзерләү өчен кирәкле булган инженерлык эзләнүләр материалларын әзерләү буенча түләү күләме суммар бәядән 0,58 процентны тәшкил итә.
Күрсәтелгән түләү күләмендә өстәмә кыйммәткә карата салым суммасы исәпкә алына.
АДЫМ 3: НӘТИҖӘНЕ АЛУ
Экспертизаны үткәрү нәтиҗәсен мөрәҗәгать итүченең шәхси кабинетында электрон рәвештә һәм шартнамә шартлары нигезендә кәгазь битендә алырга мөмкин.
45 календарь көне – инвестицияләрне нигезләү буенча технологик һәм бәяләр аудитын үткәрү вакыты.
60 календарь көне – инвестицион проектка карата аеруча куркыныч, техник яктан катлаулы һәм уникаль капиталь төзелеш объектларын булдыруга кагылышлы инвестицияләрне нигезләү буенча технологик һәм бәяләр аудитын үткәрү вакыты. Мондый вакыт 60 календарь көненнән артмаска тиеш.
Әлеге вакыт мөрәҗәгать итүченең инициативасы буенча 15 календарь көненнән артык түгел вакытка кадәр озайтылырга мөмкин.
АДЫМ 4: БЕЛЕМ АЛУ
«ТР төзелеш һәм архитектура буенча дәүләт экспертизасы һәм бәя кую идарәсе» ДАУ базасында «ПрофСтандарт» белем бирү үзәгендә төзелеш һәм ТКХ өлкәсендә 30дан артык һөнәр буенча белем бирү хезмәтләре күрсәтелә. Белем алу өчен гаризаны +7 (843) 253-75-49 телефоны аша яки info@proff-standart.ru электрон почтасы буенча бирергә мөмкин. Укуларны үткәрү урыны: «ТР төзелеш һәм архитектура буенча дәүләт экспертизасы һәм бәя кую идарәсе» ДАУ белем бирү үзәге («ПрофСтандарт»), Казан шәһ., Шуртыгин ур., 22 нче йорт.
Соңгы яңарту: 2021 елның 4 марты, 10:32